iQuest ਨੇ JEE Main 2026 ਵਿੱਚ ਸ਼ਾਨਦਾਰ ਨਤੀਜਿਆਂ ਨਾਲ ਰਚਿਆ ਇਤਿਹਾਸ

 iQuest ਨੇ JEE Main 2026 ਵਿੱਚ ਸ਼ਾਨਦਾਰ ਨਤੀਜਿਆਂ ਨਾਲ ਰਚਿਆ ਇਤਿਹਾਸ

ਪਟਿਆਲਾ ਸਥਿਤ ਪ੍ਰਮੁੱਖ ਕੋਚਿੰਗ ਸੰਸਥਾ iQuest ਨੇ ਇੱਕ ਵਾਰ ਫਿਰ ਨੈਸ਼ਨਲ ਟੈਸਟਿੰਗ ਏਜੰਸੀ ਦੁਆਰਾ ਕਰਵਾਈ ਗਈ JEE Main 2026 ਪਰੀਖਿਆ ਵਿੱਚ ਸ਼ਾਨਦਾਰ ਨਤੀਜੇ ਦੇ ਕੇ ਇਤਿਹਾਸ ਰਚ ਦਿੱਤਾ ਹੈ। ਇਹ ਉਪਲਬਧੀ ਪੂਰੇ iQuest ਪਰਿਵਾਰ ਲਈ ਮਾਣ ਦਾ ਵਿਸ਼ਾ ਹੈ।

ਸਾਹਿਲ ਗੋਯਲ ਨੇ AIR 251 ਹਾਸਲ ਕਰਕੇ ਪਟਿਆਲਾ ਅਤੇ ਸੰਗਰੂਰ ਦੋਹਾਂ ਜ਼ਿਲ੍ਹਿਆਂ ਵਿੱਚ ਟੌਪਰ ਬਣਨ ਦਾ ਮਾਣ ਪ੍ਰਾਪਤ ਕੀਤਾ। ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਫਿਜ਼ਿਕਸ ਵਿੱਚ 100/100 ਅੰਕ ਪ੍ਰਾਪਤ ਕਰਕੇ ਉੱਚ ਦਰਜੇ ਦੀ ਅਕਾਦਮਿਕ ਪ੍ਰਤਿਭਾ ਦਾ ਪ੍ਰਦਰਸ਼ਨ ਕੀਤਾ। ਮੇਹਕ ਮਿੱਤਲ ਨੇ AIR (EWS) 366 ਨਾਲ ਨਾਭਾ ਦੀ ਟੌਪਰ ਬਣੀ। ਵੰਸ਼ ਬੰਸਲ ਨੇ AIR 333 ਨਾਲ ਰਾਮਪੁਰਾ ਫੂਲ ਵਿੱਚ ਟੌਪ ਕੀਤਾ, ਜਦਕਿ ਚਿਨਮਯ ਨਾਰੰਗ ਨੇ AIR 786 ਨਾਲ ਦੇਸ਼ ਦੇ ਟਾਪ 1000 ਵਿਦਿਆਰਥੀਆਂ ਵਿੱਚ ਆਪਣੀ ਥਾਂ ਬਣਾਈ। ਯਜ3 ਰਾਵਤ (AIR 1316), ਆਰੁਸ਼ ਗੋਯਲ (AIR 1160) ਅਤੇ ਅਰਨਵ ਕੈਸ਼ਤਾ (AIR 1366) ਨੇ ਵੀ ਦੇਸ਼ ਦੇ ਟਾਪ 1500 ਵਿਦਿਆਰਥੀਆਂ ਵਿੱਚ ਸਥਾਨ ਹਾਸਲ ਕਰਕੇ ਸੰਸਥਾ ਦਾ ਨਾਮ ਰੌਸ਼ਨ ਕੀਤਾ।

ਸੰਗਰੂਰ ਸੈਂਟਰ ਤੋਂ ਆਸ਼ੀ ਨੇ AIR 683 ਹਾਸਲ ਕਰਕੇ ਪਟਿਆਲਾ ਅਤੇ ਸੰਗਰੂਰ ਦੀ ਗਰਲਜ਼ ਟੌਪਰ ਬਣਨ ਦਾ ਮਾਣ ਪ੍ਰਾਪਤ ਕੀਤਾ। ਹਰਪਰਤਾਪ ਸਿੰਘ ਗਿੱਲ ਨੇ AIR 1140 ਨਾਲ ਸੁਨਾਮ ਸ਼ਹਿਰ ਵਿੱਚ ਟੌਪ ਕੀਤਾ ਅਤੇ ਸੰਗਰੂਰ ਜ਼ਿਲ੍ਹੇ ਦੇ ਸਿਰਮੌਰ ਵਿਦਿਆਰਥੀਆਂ ਵਿੱਚ ਆਪਣੀ ਥਾਂ ਬਣਾਈ।

iQuest ਨੇ ਆਪਣੀ ਉਤਕ੍ਰਿਸ਼ਟਤਾ ਦੀ ਪਰੰਪਰਾ ਨੂੰ ਜਾਰੀ ਰੱਖਦਿਆਂ ਇਸ ਸਾਲ ਆਪਣੇ ਸਾਰੇ ਪਿਛਲੇ ਰਿਕਾਰਡ ਤੋੜ ਦਿੱਤੇ ਹਨ। ਨਤੀਜਾ ਪ੍ਰਕਿਰਿਆ ਅਜੇ ਵੀ ਜਾਰੀ ਹੈ, ਫਿਰ ਵੀ ਸੰਸਥਾ ਨੇ ਕਾਬਿਲ-ਏ-ਤਾਰੀਫ਼ ਉਪਲਬਧੀਆਂ ਹਾਸਲ ਕੀਤੀਆਂ ਹਨ, ਜਿਨ੍ਹਾਂ ਵਿੱਚ 8 ਵਿਦਿਆਰਥੀਆਂ ਨੇ 99.9+ ਪਰਸੈਂਟਾਈਲ, 46 ਨੇ 99+ ਪਰਸੈਂਟਾਈਲ, 67 ਨੇ 98+ ਪਰਸੈਂਟਾਈਲ ਅਤੇ 107 ਨੇ 95+ ਪਰਸੈਂਟਾਈਲ ਪ੍ਰਾਪਤ ਕੀਤੇ ਹਨ। ਖਾਸ ਗੱਲ ਇਹ ਹੈ ਕਿ ਪਟਿਆਲਾ ਅਤੇ ਸੰਗਰੂਰ ਦੇ ਟਾਪ 8 ਸਥਾਨ iQuest ਦੇ ਵਿਦਿਆਰਥੀਆਂ ਨੇ ਹਾਸਲ ਕੀਤੇ ਹਨ, ਜੋ ਸੰਸਥਾ ਦੀ ਲਗਾਤਾਰ ਉਤਕ੍ਰਿਸ਼ਟਤਾ ਅਤੇ ਮਜ਼ਬੂਤ ਅਕਾਦਮਿਕ ਨੇਤ੍ਰਿਤਵ ਨੂੰ ਦਰਸਾਉਂਦਾ ਹੈ।

ਇਹ ਵੀ ਯਾਦਗਾਰ ਹੈ ਕਿ iQuest, ਸਾਲ 2009 ਤੋਂ ਆਪਣੀ ਉਤਕ੍ਰਿਸ਼ਟਤਾ ਦੀ ਪਰੰਪਰਾ ਨੂੰ ਜਾਰੀ ਰੱਖਦਿਆਂ ਹਰ ਸਾਲ ਸ਼ਾਨਦਾਰ ਨਤੀਜੇ ਦਿੰਦਾ ਆ ਰਿਹਾ ਹੈ। JEE Main 2026 ਵਿੱਚ ਵੀ ਸੰਸਥਾ ਨੇ ਨਵੇਂ ਮਾਪਦੰਡ ਸਥਾਪਿਤ ਕੀਤੇ ਹਨ, ਜਿੱਥੇ 2 ਵਿਦਿਆਰਥੀ ਟਾਪ 500, 4 ਟਾਪ 1000 ਅਤੇ 8 ਟਾਪ 1500 ਵਿੱਚ ਸ਼ਾਮਲ ਹੋਏ ਹਨ, ਜੋ ਇਸਦੀ ਅਕਾਦਮਿਕ ਮਜ਼ਬੂਤੀ ਅਤੇ ਨਿਰੰਤਰਤਾ ਨੂੰ ਦਰਸਾਉਂਦਾ ਹੈ।

ਸੰਸਥਾਪਕ ਨਿਤੀਸ਼ ਗਰਗ ਨੇ ਸਫਲ ਵਿਦਿਆਰਥੀਆਂ ਅਤੇ ਉਨ੍ਹਾਂ ਦੇ ਮਾਪਿਆਂ ਨੂੰ ਵਧਾਈ ਦਿੰਦਿਆਂ ਕਿਹਾ ਕਿ ਇਹ ਸਫਲਤਾ 16+ ਸਾਲਾਂ ਦੀ ਲਗਾਤਾਰ ਮਿਹਨਤ, ਅਨੁਸ਼ਾਸਿਤ ਅਕਾਦਮਿਕ ਪ੍ਰਣਾਲੀ ਅਤੇ ਸਹੀ ਮਾਰਗਦਰਸ਼ਨ ਦਾ ਨਤੀਜਾ ਹੈ। ਉਨ੍ਹਾਂ ਨੇ ਕਿਹਾ ਕਿ iQuest ਨੇ ਇਸ ਸਾਲ ਨਾ ਸਿਰਫ ਆਪਣੇ ਪਿਛਲੇ ਰਿਕਾਰਡ ਪਾਰ ਕੀਤੇ ਹਨ, ਸਗੋਂ ਨਵੇਂ ਮਾਪਦੰਡ ਵੀ ਸਥਾਪਿਤ ਕੀਤੇ ਹਨ।

ਸਹ-ਸੰਸਥਾਪਕ ਰੋਹਿਤ ਬਿਸ਼ਨੋਈ ਨੇ ਵਿਦਿਆਰਥੀਆਂ ਨੂੰ ਪ੍ਰੇਰਿਤ ਕਰਦੇ ਹੋਏ ਕਿਹਾ ਕਿ ਨਿਡਰ ਅਤੇ ਲਗਾਤਾਰ ਕੋਸ਼ਿਸ਼ ਹੀ ਸਫਲਤਾ ਦੀ ਕੁੰਜੀ ਹੈ। ਉਨ੍ਹਾਂ ਨੇ ਪਟਿਆਲਾ, ਸੰਗਰੂਰ, ਸੁਨਾਮ, ਨਾਭਾ ਅਤੇ ਰਾਮਪੁਰਾ ਫੂਲ ਦੇ ਸਿਟੀ ਟੌਪਰ ਤਿਆਰ ਕਰਨ ਲਈ ਪੂਰੀ ਫੈਕਲਟੀ ਟੀਮ ਨੂੰ ਵਧਾਈ ਦਿੱਤੀ ਅਤੇ ਮਾਪਿਆਂ ਦਾ iQuest ’ਤੇ ਵਿਸ਼ਵਾਸ ਬਣਾਈ ਰੱਖਣ ਲਈ ਧੰਨਵਾਦ ਕੀਤਾ।

ਡਾਇਰੈਕਟਰ ਧੀਰਜ ਅਗਰਵਾਲ ਨੇ ਕਿਹਾ ਕਿ ਇਹ ਉਪਲਬਧੀ ਸਿਰਫ ਪਹਿਲਾ ਪੜਾਅ ਹੈ ਅਤੇ ਅਸਲ ਯਾਤਰਾ ਹੁਣ ਸ਼ੁਰੂ ਹੋਈ ਹੈ।

ਸੰਗਰੂਰ ਸੈਂਟਰ ਡਾਇਰੈਕਟਰ ਅਨੁਰਾਗ ਜਿੰਦਲ ਨੇ ਇਸ ਇਤਿਹਾਸਕ ਸਫਲਤਾ ਦਾ ਸਿਹਰਾ ਵਿਦਿਆਰਥੀਆਂ ਦੀ ਮਿਹਨਤ, ਮਾਪਿਆਂ ਦੇ ਸਹਿਯੋਗ ਅਤੇ iQuest ਦੀ ਸੁਵਿਧਾਜਨਕ, ਨਤੀਜਾ-ਕੇਂਦਰਿਤ ਅਕਾਦਮਿਕ ਪ੍ਰਣਾਲੀ ਨੂੰ ਦਿੱਤਾ।